نوفمبر 08، 2008

نشرة اخبار امريكانى


اعزائى المشاهدين اليكم نشرة اخبار التاسعه بتوقيت واشنطن
******
بمناسبة تولى السيد/باراك اوباما رئاسة الولايات الامريكية ، توالت خطابات التهنئة من كلا من فخامه وسمو وسيادة ملوك وامراء ورؤساء الدول فى انحاء العالم راجين من الله ان يكون خير خلف لخير سلف ، واعرب سيادته عن شكره وامتنانه لتهنئتهم واعدا اياهم ان يجاملهم فى الافراح

******
قام الرئيس اوباما اليوم بتفقد قوات الجيش الامريكى بصفته القائد الاعلى للبنتاجون ، والقوات البحرية بصفته القائد الاعلى للقوات البحرية ، والقوات الجوية بصفته القائد الاعلى للقوات الجوية ، وكذلك القوات الخاصة والضفاضع البشرية وكان بصحبة سيادته الجنرال طنطاوى

******

بمناسبة ذكرى الرابع من يوليو قام الرئيس/اوباما بوضع اكليل من الزهور على قبر الرئيس الراحل/ايزنهاور ، كما قام بوضع اكليل من الزهور على قبر الجندى المفقود فى فيتنام وافغانستان وايران والعراق وسوريا ولبنان والخليج
كما حضر سيادته الحفل المقام بهذه المناسبة ، وشهد الاوبريت الذى احياه لفيف من الفنانين وقام باخراجه ستيفن سبيلبرج


******

قام الرئيس/اوباما بالاجتماع بالساده الوزراء لوضع خطة اقتصادية لالغاء الدعم عن كل السلع ، على صعيد اخر افاد سيادته انه لا مساس بمحدود الدخل الامريكى


******

اوفد الرئيس/اوباما مندوبا لحضور المؤتمر الدينى بدلا من سيادته ، وذلك لانشغال سيادته بحضور حفل بريتنى سبيرز

******
اعلن الرئيس/اوباما ايمانه المطلق بحرية الراى والتعبير وتفعيل الديمقراطية ، من ناحية اخرى اقر سيادته باستمرار تطبيق قانون الطوارئ الامريكانى حتى اشعار اخر

******
منحت الجامعه الامريكية-فى امريكا- السيدة/اوباما قرينة الرئيس الدكتوراة الفخرية فى الانشطار النووى وذلك لجهودها فى مجال التنمية

******
افتتحت السيدة/اوباما قرينة الرئيس بصفتها رئيس المجلس القومى للمرأة الامريكية عددا من المدارس والجمعيات الاهلية واكشاك السجائر والحلويات ، وطالبت بوضع خطة للقضاء على ظاهرة اطفال الشوارع


******

فى غمار الحديث الدائر حول حقيقة التوريث ، اشار سيادته انه شئ مستبعد وذلك لان بناته لسه صغيرين على الكلام ده

كانت هذه كل الاخبار فى نشرة التاسعه، نلقاكم على خير بإذن الله


19 عرفوا عيبها:

رئيس جمهوريه نفسى on 8 نوفمبر، 2008 1:48 ص يقول...

هى النشرة دى ممكن تنقع لأوباما لو كان بدل ما حيسكن البيت الابيض حيسكن قصر العروبة

kochia on 8 نوفمبر، 2008 2:44 ص يقول...

ههههههههههههه
عجبتني النشرة والله رغم اني بطلت اسمعها من زمان

NeRmeeN on 8 نوفمبر، 2008 7:37 ص يقول...

ما تقوليش ما تعدليش باراك اوباما غيره مفيش

وعشان كده احنا اخترناI :)


تحياتى يا فندم

My Hope$ on 8 نوفمبر، 2008 8:11 ص يقول...

البوست دة فكرني
بفيلم
صعيدي في الجامعة الامريكية


هههههههههه


حتي انت يادودو

بتتكلم ف السياسة
هههههه

يلا

ربنا معانا

ويستر علينا
وما خفيا كان اعظم

سلام

~*§¦§ Appy §¦§*~ on 8 نوفمبر، 2008 11:22 ص يقول...

ودنى وجعانى يا دودو ومش سامعه ايه مين ولا شايفاه عااااااااااااا

ماما أمولة on 8 نوفمبر، 2008 1:50 م يقول...

هههههههههههههههههههه

اللهم اجعله خير

همس الاحباب on 8 نوفمبر، 2008 2:48 م يقول...

هههههههههه
دى نشرة الاخبار من سوق الطعمية
ههههه
وعلشان كده احنا اخترناه
هههههههه
تسلم ايديكى يا دودوا
تحياتى

لماضة on 8 نوفمبر، 2008 7:40 م يقول...

هههههههههههه
لا ده انتي غلبتيني
عجبني قوي الصورة الكاركاتير بتاعته
اصلي قعدت ساعه ادور ملقتش وفي الاخر حطيت الصوره المعتتاده
بس بجد تسلم دماغك العاليه

ـ-ـ- أحمد عبد العدل-ـ-ـ on 8 نوفمبر، 2008 7:53 م يقول...

والله أوباما ده جه مصلحة .. كل اللى عاوز يقولله كلمتين طلعهم ـ يقول لأوباما طبعاً ـ

بس بجد المفروض تطلعى بالبوست ده بعد تعديل صغير (أد كدهو) على القناة الأولى ومتقلقيش هتشتغلى امبارح .. مذاكرة كويس

تحياتى

tarek alghnam on 8 نوفمبر، 2008 10:35 م يقول...

اسلوبك رائع
ويجسد الحقيقه وبأسلوب ساخر
بجد بحييكى على البوست الهايل
تحياتى لك
ومبروك لكوبانا على رأى اخونا شعبان عبد الرحيم
ربنا يرأف بحالنا

ايام العمر on 8 نوفمبر، 2008 11:29 م يقول...

هههههههههههههههههههههه

بس كدة


سلاااااااااااااااااااام

ana ga3an on 9 نوفمبر، 2008 9:17 ص يقول...

السبب الرئيسي لنجاح اوباما
اخدة بنصائح السيد الرئيس في تجاربة الانتخابية السابقة
ونأمل اننا نشوف اوبامبا منور كدة في قصر القبة بالبلغة والجلابية
وبيشرب من القلة

رئـــــيسـة حزب الأحلام on 10 نوفمبر، 2008 11:23 م يقول...

ماشاء الله نشرة جامدة
احنا كلنا مستنين نشرات الاخبار
تحياتى لكى ياقمر

Z_Diva on 11 نوفمبر، 2008 4:17 م يقول...

looooooooooooooooool

y3ny, aho da sho3'l elr2asa elsalima walla balash
ezyk ybnty 3mla eh :)

واحد من البلد دى on 13 نوفمبر، 2008 5:57 م يقول...

انا بعتذر عن التأخير بس و الله اول ما بلاقى فرصة انى اتنفس بدخل على طول
حتى لو مش بقدر اعلق لضيق الوقت
لكن بقرء البوستات الجديدة

تحياتى

NIDAAL PAL on 13 نوفمبر، 2008 8:18 م يقول...

ههههههههههههههههههههههههههه
على رأى محمود :
النشرة تنفع أوباما لو كان هيسكن قصر العروبة .
هههههههههههههههههههههههههههه
جامدة اخر حاجة

Maiada on 14 نوفمبر، 2008 2:41 ص يقول...

هههههههههههههههههههههه
فكرتينى بنشرة اخبار كنت كتباها من 5 سنين لو لقيتها هبعتهالك

تعرفى وبعيد عن السياسة الداخليه اهو
انا معجبة بشخصية اوباما بس مش متفاءلة خالص

ahmed_k on 14 نوفمبر، 2008 5:37 م يقول...

أجمل حاجه في النشره أنه خير خلف لخير سلف
ههههههههه
حلوه النشره
بس فين النشره الجويه بعد الأخبار ؟؟؟؟

م/ الحسيني لزومي on 14 نوفمبر، 2008 8:59 م يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود عل مدونتيِ

 

Term of Use

أهو ده عيبه Copyright © 2009 Flower Garden is Designed by Ipietoon for Tadpole's Notez Flower Image by Dapino