البوست ده دعوة لكل الناس
مدونين وغير مدونين
لزيارة دار من دور رعاية الاطفال الايتام فى بورسعيد
وتقضية يوم يمكن نقدر نسعدهم فيه ونسعد نفسنا معاهم
******
ان شاء الله مكان اللقاء حيكون فى الجمعية النسائية لتحسين الصحه
(المؤسسة الايوائية )
بورسعيد-شارع كسرى المنطقه الثانيه-امام قسم شرطة المناخ
وده يوم الجمعه الموافق 14/11/2008 بإذن الله
******
الدار فيها حوالى 60طفل
اعمارهم تتراوح ما بين 3 سنوات حتى 21 سنة
لكن العدد الاكبر من سن 6 الى 15 سنة بنات وبنين
******
صحيح الدار بتحاول توفرلهم معيشه معقوله
بس اكيد ينقصهم شوية حاجات حنحاول ان شاء الله اننا نكملها
******
يعنى مثلا هم محتاجين ادوات مدرسية زى الكشاكيل والكراسات وكراسات الرسم والالوان
الادوية الخاصه بالاطفال زى خافض الحرارة وادوية الكحة والاسهال والبرد
المطهرات والمنظفات عموما زى الديتول والشامبو والصابون
وكمان محتاجين مكواة للملابس
******
ان شاء الله نحاول قدر المستطاع اننا نقدملهم حاجه حتى لو بسيطة
علشان يحسوا انهم زى غيرهم من الاطفال
والاهم يحسوا بالحب والاهتمام
******
نتمنى انكم تلبوا الدعوة
واى استفسار ياريت تبعتولى او تبعتوا لمدونة اوتار (نهر الحب)
19 عرفوا عيبها:
زيارة سعيدة يارب كان نفسى اكون معاكم بس للاسف لسة راجع من القاهرة النهاردة ولظروف الشغل حيبقى صعب انى اسافر تانى الايام الجاية بس عموما ححاول اشوف اى وسلية اوصل بيها المساعدة اللى ااقدر اقدمها
ربنا يجعلها في ميزان حسناتكم ان شاء اللة
جزاكى الله خيرا
داليا واعانك الله على طاعته
الفكره راقيه جدا
جزاك الله كل خير
وحشتيني يا قمر
ربنا يجزيكم خير ان شاء الله
ويجعلة في صالح اعملكم
كان نفسي اكون موجوده بس مفيش نصيب
مرا تانية ان شاء الله
بيبو
ربنا يقدركم دايما على فعل الخير
خطوة هايلة لما كل مدون يدعو زملائه فى العالم السحرى فى مدينته يعمل خير
بعد شوية هنلاقى العمل بقى جماعى و منظم و ربنا يبارك فيكم اكتر و اكتر
كان نفسى آجى و مين عارف يمكن أقدر
بس لو منفعشى قبلى معاكو
و البركة فيكم
بس امانة عليكى يا بيبو
لو بابا أبو خالد جه
تسلمولى عليه قوى
قوى
قوى
التعليق اللى فات دا بتاعى يا بيبو
ربنا يجعلك دوما سبب لفعل الخير
خالص تحياتي
جزاكم الله كل خير
بجد فكرة هايلة وان شاء الله هنحاول نيجى
كمان علشان نتعرف عليكم
ان شاء الله سأكون اول الحاضرين وسأقوم بدعوه جميع المدونون البورسعيديه وفكره رائعه
ربنا يوفقكم يا أختنا داليا
و بجد شئ جميل
أتمنى ربنا يتقبل أعمالكم
أنا بعيد جدا عن بورسعيد
و لولا كدة لكنت معاكم
وفقكم الله لما يحب و يرضى
د.حماس
فكرة جميلة ربنا يجعلها في ميزان حسناتكم ان شاء الله
بالمناسبة ايه هو عيبه
اسم مثير للتساؤل
ياريت كل المدونين يطبقوا فكرة زيارة دولر الأيتام كل في محافظته
جزاكي الله خيرا يا داليا
tb knty estnty shwya l7ad magy :S
7tta anta ya brotas:D
3mmatan rbna ykrmko isa
we liky w7sha wallahy m3lish u know b2a in eldnya malahy :S
بأذن الله هحاول الحدور وبارك الله فيك وجزاك خير الثواب
ابوالعربى
داليا
لا تتصورى مدى سعادتى بزيارتك لانها حسستنى انكم لسه فاكرينى
ربنا يجعل هذه الزيارة فى ميزان حسناتكم ويجعله يوم مثمر يارب
أرجو ان تبلغى سلامى لكل من يحضر وهكون سعيدة لو عرفت ان بابا ابو خالد حضر
سلامى الى دعاء وايناس
وحشتونى ووحشتنى بورسعيد
ازيك يا داليا
جزاكي الله كل الخير وجعل هذا العمل خالصا لوجهه ان شاء الله
جزاكم اله خيرا
وباذن الله اجى واشارك معاكم
تحياتى
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
جزاكى الله كل خير
احنا ان شاء الله هنروح واتمنى اشوفك بجد
إرسال تعليق